Bisnis Link i sapotim ol SME long COVID-19
SMALL na Medium-size enterprise (SME) long PNG bai kisim bisnis edvaiseri sevis bilong sapotim ol long senis na stap strong long taim bilong COVID-19.
Atiyafa sapotim Isten Hailans distrik haus sik
WOK bilong mekim helt sevis long ol hauslain long Henganofi distrik, Isten Hailans bai i ken kamap gut, bihain long lokal MP Robert Atiyafa i givim 5-pela foawil-driv (4-drive) kar long sapotim wok bilong helt senta long ilektoret.
Presentesen seremoni i bin kamap long fran bilong bikpela opis bilong Isten Hailans Provinsal Helt Atoriti (EHPHA) long Mande dispela wik.
Atiyafa i tok, ilektoral opis bilong em i luksave long helt senta long distrik husat i laikim kain helpim long subim wok bilong helt long distrik i go het.
“Opis bilong mi i luksave long dispela hevi bilong ol helt woka husat i save painim hat long i go long ol hauslain long mekim wok na givim helt sevis i go long ol lokal man, meri na pikinini.
Olsem na mipela i baim ol dispela kar na givim i go long sapotim wok bilong ol,” Atiyafa it ok.
Em i tok helt sevis i mas i go long haus dua bilong olgeta lokal hauslain insait long distrik.
“Sapot bilong helt em i no pinis long dispela mak,” Atiyafa i tok.
“Opis bilong mi bai i go het yet long long givim gutpela sapot long helt, olsem na long nau yet olsem Memba na lida bilong distrik, mi givim nau 5-pela kar, na bihain 3-pela moa em bai mi givim.”
Em i tok distrik i gat 3-pela LLG em Fayantina, Kafetina, Dunatina na em i gat moa long 75,000 man, meri na pikinini.
Na namba em bai i go antap yet olsem na kain helpim em bai i go long helpim dispela ol pipel husat bai laikim dispela helpim long ol hauslain long distrik.
Atiyafa i go moa na askim menesmen bilong EHPHA olsem em i laikim wanpela rurel haus sik i mas kamap long Henganofi long sevim ol pipel long dispela distrik.
Sif Ekseketiv Opisa (CEO) bilong EHPHA Dokta Joseph Apa i tok amamas long Atiyafa long kamap olsem na givim sapot long helt sekta long distrik bilong em.
“Mipela i no save lukim planti ol politikal lida i kamap na givim kain sapot long helt sekta long provins.
“Nau mipela i ken lukim stret kala bilong yu olsem lidaman bilong Henganofi long bringim sapot i kam long ol pipel long ilektoret bilong yu.
“Na mipela i amamas na bai mipela i go het long wok wantaim yu olsem patna bilong mipela long bringim helt sevis i go long ol pipel bilong yu na bilong mipela wantaim,” Dokta Apa i tok.
Minista Simon harim wari bilong rurel Madang fama
MINISTA bilong Egrikalsa, John Simon i tok disisen bilong gavman long helpim kantri long gro na bihainim tu het tok bilong Marape gavman long ‘Kisim Bek PNG’ i mas go stret wantaim ol rurel pipel na prodaksen ol i kamapim.
Bogenvil Copper Ltd Tingting long opim Panguna main
BOGENVIL copper Ltd (BCL) i bin karimaut nupela stadi las yia long painimaut gutpela rot bilong opim bek Panguna Main long Atonomus Rijon Ov Bogenvil.
Blut em strongpela banis
“DISPELA blut yupela i bin penim long haus bilong yupela bai stap olsem mak. Na taim mi mekimsave long ol Isip bai mi lukim dispela blut na bai mi abrusim haus bilong yupela na larim yupela i stap gut (Kisim Bek: 12:13).”
Ol senis i kamap long nem bilong Wantok
LONG 5 Ogas, bai Wantok i amamasim 50 yia bilong dispela Tok Pisin niuspepa bilong yumi ol Papua Niugini stret.
Ranim kos bilong stretim ol bagarap long spirit
LONG begin bilong mun Mas, mi bin flai wantaim Caroline Wälde i go long Moropote long givim wanpela kos bilong stretim bagarap long spirit (trauma healing).
Gutpela awenes na harim tok bai sevim laip
TAIM ol 10-pela bikpela ovasis kantri olsem Amerika, Brazil, Rasia, India, Yunaitet Kingdom, Spein, Peru, Itali, Iran na Jemeni husat i wok long i go pas long kisim taim long sik coronavirus, kantri bilong yumi em i stap na sindaun gut, long wanem taim dispela sik em i bin kamap long kantri, 8-pela lain man, meri na pikinini i bin kisim dispela sik.
Subcategories
Komentri
Ol komentri insait long pepa. (Features all commentary from the paper).
Page 5 of 7
- You are here:
-
Home
- Uncategorised
wantokniuspepa.com