Independens i min wanem long yumi?

Details

 Independens i min olsem manmeri mas sanap long strong bilong wan wan na i no inap askim wanpela long wanpela samting.

Sir Pita Lus - Namba tu kwila bilong Sepik i lus

Details

LONG dispela wik, taim ol pipel na lida bilong Papua Niugini i wok long salim tok sori long famili bilong Sir Pita Lus, stori long laip bilong em long politiks i wanpela hap tasol.

POMGEN i redi long givim sinopharm veksin

Details

EMBESEDA bilong Saina long Papua Niugini, Zeng Fanhui i tok em i amamas long lukim Pot Mosbi Jeneral Haus Sik i redi long kamap namba wan ples long PNG long givim sinopharm veksin i kam long Saina long ol lain husat i laik kisim banis sut long banisim ol yet long COVID-19.

TPA amamas long kamap bilong odit komiti

Details

WOK odit (audit) i helpim long lukim ol ogenaisesen i ran gut, wanpela senia opisa i tok.

Usino-Bundi PM Marapegivim MP UguroEdukesenministri …..long kisimEdukesenministri

Details

LIKLIK Ramu Suga taun long Usino lokal level gavman (LLG) long Usino-Bundi distrik long Madang provins i
bin paia lait stret wantaim amamas long Sarere, Janueri 23, 2021.

Kost bilong haus long Pot Mosbi em i antap tumas

Details

LONG 2012 mi bin go raun lukluk long wanpela setelmen long Pot Mosbi bihain long wanpela eviksen i
bin kamap.

Angela Merkel – namba wan lida bilong Germany

Details

JEMENI i tok gutbai long Angela Merkel wantaim sikispela minit bilong amamas, rispek
na paitim han long em.
Ol pipel bilong Jemeni i bin makim em long lidim ol na em i lidim 80 milien pipel bilong
Jemeni long 18 yia olgeta. Em i lidim ol wantaim pasin bilong wok hat, i save givim taim
bilong en long helpim ol pipel na em i no save giaman long wok bilong em.
Long dispela 18 yia em i bin stap olsem lida bilong Jemeni, i nogat wanpela toktok
nogut bilong bagarapim em i bin kamap. Em i no bin makim wanpela wantok bilong em
long kisim wanpela bikpela wok insait long gavman. Em i no bin tok olsem em tasol i
mekim ol gutpela na bikpela wok i kamap. Em i no save kisim ol bikpela mani long wok
em i save mekim na em i no bin kisim ol helpim o toktok bilong helpim. Em i no bin gat
kros o pait wantaim ol lain husat i bin go pas long em na ol lain we i no laik long
bihainim em. Em i no save toktok nabaut long dai bilong ol pipel bilong em. Em i no
save go kisim ol bikpela piksa o laik long stap long ol bikpela piksa.
Em dispela meri, Angela Merkel, em wol i luksave long em olsem “em trupela lida meri
bilong wol” na ol i tok strong bilong em wanpela tasol long wanpela sait na long hapsait
em kain olsem yu bungim 6 milien man.
Las wik Merkel i lusim wok bilong em olsem pati lida na givim i go long ol husat i kam
bihain long em na em i lusim kantri Jemeni wantaim olgeta pipel bilong en ol i stap gut.
Dispela pasin ol pipel bilong Jemeni i mekim em bai i stap long stori bilong ol Jemeni
longpela taim tru. Olgeta pipel i go sanap ausait long varanda bilong haus o long
windua na paitim amamas han long lida bilong ol long 6-pela minit olgeta, na nogat
wanpela man, meri o pikinini i bin bagarapim dispela amamas.
Olgeta manmeri bilong Jemeni i sanap wan tasol na tok gutbai long lida bilong Jemeni.
Dispela meri em wanpela kemikal enjinia na em i no bin pundaun long traim bilong gat
ol gutpela klos o lait bilong siti. Em i no baim ol bikpela haus, planti planti kar, ol sip na
balus bilong em yet. Em i tingim olsem em meri long ples bipo ol i kolim long Is Jemeni.
Em i pinisim wok bilong em olsem bikmeri bilong Jemeni na putim mak antap tru long
narapela lida inap winim. Em i lusim na go na nogat wanpela ol famili lain bilong em i
laik kisim ples bilong em. Mipela ol bikmanmeri bilong kantri.
God i stap wantaim dispela isipela lida husat i no mekim planti nois long apim nem
bilong em yet.
God stap wantaim dispela bikmeri bilong Jemeni.
Long wanpela bikpela nius konprens, wanpela meri ripota i askim Merkel: “Mipela i
luksave olsem yu wok long werim sem kolos, yu gat wanpela narapela stap o nogat?“
na em i bekim olsem: “Mi wokmeri bilong gavman, mi no wanpela model.”
Long wanpela narapela bung gen, ol ripota i askim em: “Yu gat ol haus meri husat i save
klinim haus na redim ol kaikai na kain ol wok olsem tu?”
Bekim bilong em: “Nogat, mi nogat ol wok meri na mi no nidim ol tu. Mi na man bilong
mi save mekim dispela ol wok long olgeta de.”
Wanpela ripota ken i askim: “husat i save wasim ol klos bilong yu o man bilong yu?”
Bekim bilong em: “Mi save stretim ol klos na man bilong mi save bosim wasing masin
na planti taim dispela i save kamap long nait, bilong wanem pawa i save stap na i nogat
planti man i save yusim na bikpela samting em mipela i save tingim ol lain stap klostu
long mipela.”
Em tokim ol ripota: “Mi ting bai yupela askim mi long ol gutpela wok na ol no gut wok
we mi i mekim insait long gavman.”

Misis Angela Merkel i stap long wanpela nomol liklik haus olsem planti ol arapela
manmeri. Dispela haus bilong em, em i bin stap bipo long em i bin kamap Sensela
bilong Jemeni na em i no bin lusim dispela haus taim em kamap Sensela. Em i nogat ol
bikpela haus, ol wok manmeri, swimming pul na ol bikpela plaua gaden.
Dispela em Merkel, Sensela bilong Jemeni, kantri we ikonomi bilong en em i bikpela tru
insait long Europe.

Barry Tan i raitim

Ipul Powaseu, i sanap strong long apim luksave long disabiliti long PNG

Details

TAIM planti i harim nem Ipul Powaseu ol i save tingim hariap tru disabiliti.

  1. KASTOM bilong pinisim sori
  2. Komyunikesen i no moa hevi long Haisi Distrik
  3. Buswara komyuniti strongim kona bilong ol
  4. Helt ekstensen opisa kamap kopi bisnisman