WOK bilong seveim ol rurel ples balus i go het yet.

Las wik wanpela tim long Maunt Hagen i seveim ol ples balus long ol hap long Hagen eria. Ol i go long Yambaitok na Yenkisa na bihain i go long Pyarulama, Koinambe, Tsendiap na Kol.

Tupela wokman bilong RAA, Erik na Peter i bin stap wantaim ol tu. Eric i bin mekim olgeta wok testing antap long graun na Peter i stori wantaim ol pipel long ples.

Peter i stori long wok bilong ples balus sevei na tu long COVID-19.

Wanpela narapela tim memba Sander bilong CRMF i mekim wok bilong lukluk long ol HF Redio long ol ples balus na kisim gut luksave long ol i sindaun long wanem hap stret long ples balus. Taim em i lukluk em i stretim tu sampela HF redio we i no wok gut.

Tupela pailot bilong dispela time m Corne Noordhoek na Markus Bischoff.

Narapela memba bilong time m Timon Kuendig. Timon em i wanpela enjia bilong MAF bai i kisim skul yet long flaim Caravan balus. Long dispela taim Timon i helpim wantaim wok bilong sevei.