Details

Published: 19 October 2021

 POT Mosbi Strikers FC Ismael Pole i laik divelopim ol yangpela gol kipa insait long kantri. Wantaim ekspiriens bilong em long gol kipa Ismael i rejistarim Pikinini Gol kiping Klinik aninit long Investmen Promosen Atoriti (IPA) long givim ol skil bilong gol kiping trening long mekim ol laik long pilai long posisen bilong gol kipa. Namba wan program bin kikov long tem 3 skul holide long Septemba 20 - 24, 2021 long Sir John Guise Utility Oval long Pot Mosbi. Pole i tok olsem em i amamas long tripela de kosing sesen na em i tingting long ranim dispela program long ol narapela hap insait long kantri. “Mi no laisens kosa tasol mi laik serim ekspiriens bilong mi long ol pilaia husat i ken pilai long dispela posisen long bihaintaim,” em i tok. Pole i tok wantaim K70 fi long wan wan pikinini i gat 10-18 krismas i ken kisim trening. Moa long 50 yangpela pikinini man na meri i putim nem pinis long stap insait long dispela trening program. Tasol taim ol i senisim ples bilong trening long Bisini i go long Sir John Guise Stedium tupela man tasol i kam. Brython Kasman na Maino Killian i kamap olsem namba wan lain bilong program. Em i tok olsem dispela program em i bilong bildim las difens bilong tomoro. Program we bai bildim Pot Mosbi Strikers FC long provaidim ikwipmen na mekim ol i lukluk long hau yumi inap lukluk long bihaintaim bilong soka insait long PNG. Pole i tok em laik kisim dispela program i go painim sapot bilong ol koporet patnas long PNGFA i ken karimaut Pikinini Gol kiping program i go aut long ol narapela senta bilong kantri.

Joseph Dawai i raitim

Details

Published: 19 October 2021

PAPUA New Guinea Sports Foundation (PNGSF) i pasim olgeta veniu na sevis bilong em long kantri bihainim ol mesa bilong kontrola. Dispela sat daun bai pas inap long Oktoba 30 inap National Control Centre (NCC) na Kontrola i givim tok orait bilong opim bek.

Read more ...

Details

Published: 19 October 2021

PAPUA Niugini Ragbi Futbal Lig (PNGRFL) na ragbi lig famili na ol famili long Malaguna, Rabaul insait long East New Britain Provins i krai long dai bilong foma PNG Kumul Harrison Patiliu.

Read more ...

Details

Published: 13 October 2021

COVID-19 lokdaun i putim Sauten Supa Lig na Nesenal Geming Kontrol Bod (NGCB) kap na Mosbi Saut RFL kompetisen long malolo inap long wanpela mun olgeta, SSL siaman na wokman bilong Mosbi Saut Rugby Football League Bagelo Solien i tok.

Read more ...

Details

Published: 19 October 2021

KIRAP long Bogenvil na go long Kansas. Ovasis trevol i bin laspela samting long tingting bilong Alphonse Igish na Jonathan Dende taim ol i lusim ples bilong ol long Bogenvil long Februari 2020 na go long Nesenel Spots Institut long Goroka olsem hap bilong namba wan intek long krapim bek Etlit Divelopman Program.

Read more ...

Details

Published: 08 September 2021

PAPAU Niugini intenesenel futbal pilaia Tommy Semmy bai statim trael gem bilong em wantaim New Castle Jets long traim long kisim posisen long pilai insait long Australia A-Lig kompetisen.

Read more ...

Details

Published: 19 October 2021

PLANTI ol spots ripota bilong PNG long 1990s bai save gut o tingim yet dispela nem Alfred Gabong bikos em wanpela sempion soka pilaia husat i save pilai strong tru long beklain bilong PNG Nesenel Soka tim.

Read more ...

Details

Published: 08 September 2021

SP PNG Hunters i bin kisim bikpela taim long lusim Intrust Super Cup sisen bilong ol taim Souths Logan Magpies long fainel 90 seken i bin skorim trai long Bycroft Oval las wik.

Read more ...