PAPAU Niugini intenesenel futbal pilaia Tommy Semmy bai statim trael gem bilong em wantaim New Castle Jets long traim long kisim posisen long pilai insait long Australia A-Lig kompetisen.

PNG Futbal Asosiesen Presiden John Kapi-Natto i tok PNG Kapul fowat husat i bin pilai long Hamilton Wonderers FC insait long Nu Silen i kisim narapela mak gen i no long wanpela

samting tasol long mekim ol narapela kantri long luksave long PNG. Hamilton Wonderers kosa Kane Herbert i tok Semmy pilai trael long Wellington Phoenix i no bin gutpela tumas tasol kosa i ting olsem dispela taim em inap mekim gut. “Long tingting bilong mi em i bin gat sans kwiktaim tasol em i no hariap. Em i stap isi tasol. Em i save wok strong tru na nau em i gat sans long New Castle na luk olsem

em bai inap pilai long A-Lig,” Herbert i tok. PNGFA Presiden KapiNatto i tok nius bilong Semmy em i gutpela long ol pipel husat i save laikim futbal long PNG na Osenia. Maski, Semmy i no kisim ples long A-Lig ol Jets i luk save pinis long em long pilai trael mets wantaim ol na dispela em i wanpela bikpela samting bilong soka insait long PNG. Em i tok dispela kain muv bai inap kamapim ol Pasifik

futbal pilaia we OFC inap pusim plen bilong profeseinol Lig long kik ov bihain long tupela yia. Log bai gat Pasifik Ailen kantri i pilai long en olsem Fiji na PNG. Taget em 2023 na mipela laik opim olsem na mipela toktok wantaim FIFA nau long lukim we mipela sanap long tems bilong klas laisens memba asisesen, pilaia trensfea na olgeta lo. Mipela i traim long lonsim long mekim sriman bilong mipela kamap tru.

“Mi bin oktk wantaim Semmy na em i laikim dispela kain tingting. “Em i laikim stap bilong em long hap na em i toktok strong ol grup pilaia na stap. Em i pilip olsem em stap long asples bilong em bikos ol pipel long hap i welkamim em na em i ting Jets bai inap helpim em. “Taim mi kisim dispela toksace olsem Semmy i stat trening wantaim Jets. Mi ting bai em inap go insait long A-Lig sotpela taim,” Kapi

Natto i tok. Moa long 16 krismas long taim A-Lig bin stat wanpela pilaia long Fiji tasol bin pilai long dispela kompetisen na Osenia i bin gat nem. Planti ol Pasifik pilaia wok long painim hat long go kmaap long dispela mak. Olsem na sapot Semmy i go insait long A-Lig em bai namba tu PNG pilaia long pilai long New Castle. Pastaim pilaia i no save stap long PNG em Manis Lamond bilong Tubuserea viles ausait long Pot Mosbi.

Joseph Dawai i raitim