MASKI ol sapota bilong 2020 difending sempian Kroton Hela Wigmen i bin pulapim stedium tasol Wara Waghi tait yet wantaim strongpela banis na pasim maus bilong olgeta sapota bilong difending sempian long las wik Sande.

Foapela hap bilong stedium makim Wigmen taim tupela tim wantaim i brukim bun namel long fil long maina semi fainel we bin skelim tupela tim na lukim husat strongpela teknik tim stret bai salenim Muruks long semi-fainel dispela wiken. Tumbe pilai autstending futi long pasim maus bilong

Wigmen sapota na mekim ol luksave long teknik ol yusim long fil. Wigmen difending sempian kam strong wantaim takol wantaim bikpela astingting bilong autim Tumbe na go insait long semi-fainel tasol no gat Wara Waghi bekim strong bilong Wigmen na 18-18 dro long ful taim. Long wankain insait long stedium taim tupela du o dai gem tim i bin brukim bun stap long ausait manmeri pulapim long lukim ol pilaia. Tumbe givim taim long Wigmen long namba wan hap bilong gem tasol namba tu hap tupela wantaim resis wankain long difens na ateking pat wantaim. Referi i givim narapela 5 minits gen long resis bikos skoa bilong tupela wankain 18-18. Insait long ekstra 5 minit bilong gem Wigmen kisim wanpela gol long daunim Tumbe, sekens ran stap na Wigmen givim 2-pela poin long Tumbe. Long fainel raun bilong 2021 Digicel Kap main semi- fainel Tumbe rasuim su bilong Wigmen na ol bai redi long kisim Muruks dispela wik taim Wigmen malolo na traim gen neks yia. Long dispela wiken Sande bai lukim PRK Muruks bungim Waghi Tumbe long semi-fainel taim Tigers bai kisim bikpela malolo na wetim wina bilong Muruks na Tumbe.

Jacklyn Kimala i raitim