Jacklyn Kimala i raitim PRK Mendi Muruks i no save suruk dispela wiken bai kisim bikpela was taim bikpela wara bilong JPG Waghi Tumbe i redi long dispela wik Sande long Nesenel Futbal Stedium.

Dispela em bai bikpela Prilimineri semi-fainel bilong 2021 Digicel Kap kompetisen we bai Muruks bungim Tumbe las raun pastaim long go insait long Gren fainel wantaim Lae Snax Tigers. Tupela tim wantaim bai pilai strongpela gem bikos tupela wantaim laik salensim

Tigers long gren fainel na kisim 2021 taitel. Kosa bilong Muruks Roderick Puname na kosa bilong Tumbe Baundo Aba i wok strong wantaim trening tim bilong tupela na redi long Sande resis. Bikpela namba sapota bai kamap long lukim dispela semi-fainel gem namel long Muruks na Tumbe tasol husat strongpela tim stret bai salensim Tigers. Long olgeta gem i save gat wanpela lusa na wina tim olsem na redi long bikpela gem bai kamap taim Muruks husat bai putim ai long Waghi Tumbe bikos tupela wantaim bai pilai wankain.