Details

Published: 03 January 2021

WANPELA meri grup insait long Bogenvil long ples Selau i givim 30 tenk bilong dring wara long pipel bilong Rurei ples. Ol i kisim ol dispela tenk wantaim helpim bilong gavman bilong Australia.

Dispela ol tenk i bin kam  long wanpela program ol i kolim Water,Sanitation na Hygiene projek(WASH) we ol meri bilong ples Rurei i go pas long en. 

Ol meri grup long ples Rurei  wantaim gavman bilong Austarlia na Bogenvil Patnasip Program i bung wantaim long kamapim dispela program. Displeala ol teng i givim sevis long 450 man na meri insait long  Rurei.

Meri husat i go pas long dispela program Helen Kenjue i tok olsem  dispela projek i karim gutpela samting kam long ol lain long Rurei. Helen i tok moa olsem “mi i amamas tru long lukim ol mama na pikinini meri i gat gutpela wara klostu long ol.”

Helen i tok bipo taim nogat dispela sevis ol mama na pikinini meri i save hatwok tru long go kisim gutpela wara long longwe hap. Ol i save wokabaut olsem wanpela aua long go kisim gutpela wara.

Mausmeri bilong Australia gavman  Winifred Oraka i tok ,”Gat gutpela wara long driNG em i wanpela rait bilong ol manmeri na em i gutpela long helt bilong ol tu.”

“Australia gavman i amams tru long sapotim ol projek we ol lain long komyuniti wokim long em na i gat gutpela samting long laip bilong ol manmeri bilong Bogenvil,”  Winifred i tok.

WASH projek tu i  helpim ol Rurei lidas long trenim ol long gat gutpela helt na ol prektis long banasim ol yet long sik COVID -19.

Ol i bin opim dispela projek long Novemba long Atonomus Bogenvil Gavman Depatmnet bilong Komyuniti Developmen Department of Community Development.

UPNG Journalism Student Samantha Solomon i raitim

Details

Published: 01 January 2021

BIKPELA salens long ol papamama na yangpela marit olsem, stap nau long eduketim ol pikinini bilong yumi long haus na bai ol save long gutpela na no gut pasin wantaim.

Read more ...

Details

Published: 03 January 2021

BOWALI Praimeri skul insait long wanpela rural hap bilong Papua Niugini i bin holim namba 18 Gret 8 greduesen bilong ol long Lae, Morobe Provins long las wik Trinde.

Read more ...

Details

Published: 01 January 2021

BIKPELA salens long ol papamama na yangpela marit olsem, stap nau long eduketim ol pikinini bilong yumi long haus na bai ol save long gutpela na no gut pasin wantaim.

Read more ...

Details

Published: 03 January 2021

BANK South Pacific(BSP) i givim mani mak olsem K15,000 long PNG Human Resource Institute(PNGHJRI).

Read more ...

Details

Published: 01 January 2021

Theonila Tanntenai Roka Matbob i amamas long karim nem bilong leit papa bilong em John Roka, husat i bin dai 30 yia i go pinis long taim bilong Bogenvil crisis.

Read more ...

Details

Published: 01 January 2021

IBS Kolis bilong TVET i bin holim namba 8 Greduesen celebresen long Fraide 11, Desemba 2020 long Saraga Kempus, 6-Mile long Pot Mosbi.

Read more ...

Details

Published: 01 January 2021

Buk bilong Pikinini (BbP) i bin greduetim moa long 1000 pikinini i gat fivepela krismas, husat i nau redi long kisim narapela mak bilong edukesen bilong ol.

Read more ...