Theonila Tanntenai Roka Matbob i amamas long karim nem bilong leit papa bilong em John Roka, husat i bin dai 30 yia i go pinis long taim bilong Bogenvil crisis.

Leit John Roka bilong West Nu Briten, em i bin maritime Therese long Arawa bilong Panguna long 1977. Ol i bin karim pikinini na stap long Sentral Bogenvil we Johhn i save stap olsem ples bilong em.

Leit John em man bilong famili, sios na komyuniti. Em i save wokim ol gutpela bilong komyuniti na i save go pas long olgeta wok bilong laip.

Wantaim nem bilong papa bilong em, Theonila tu i go het long wokim wankain wok olsem papa, yusim digri bilong em long sosel na lotu stadi.

Theonila i bin kamap memba bilong loro na edukesen minista long Atonamas Bogenvil Gavman (ABG) bihain long em i pinisim fainel yia bilong stadi long Madang long 2013 na i bin pasim tok wantaim ol famili na tambu lain long wokim early childhood learning senta.

Dispela em namba wan klasrum i bin sanap olsem na ol i bin nemim John Roka Memorial Skul long givim hona long leit papa bilong em.

Long 2014, Theonila i bin kisim digri pinis na go bek long ples na joinim tupela susa bilong em Jessica na Dolorose long go het wantaim wok long dispela senta.

Em i bin lukim olsem bikpela wok bilong sevis long sapotim ol lokal pipel, na planti bilong ol wankain olsem famili bilong Roka tu i bin kisim bikpela taim bikos long dispela crisis.

Dispela em bikpela tingting bilong Theonila long tokaut na lukluk long ol nid bilong husat i bin stap long  Bogenvil crisis wantaim em na famili bilong em.