Buk bilong Pikinini (BbP) i bin greduetim moa long 1000 pikinini i gat fivepela krismas, husat i nau redi long kisim narapela mak bilong edukesen bilong ol.

Dispela BbP program i bin soim yia bihain, olsem ol pikinini husat i bin kam long ogenaisesen Early Childhood Divelopmen program i save moa long ol arapela poro bilong ol husat i no bin gat sans long kam long dispela Early Childhood learning program.

Olsem hap bilong BbP sin-haus ol pikinini i bin lainim phonics, segmenting na blending na planti bilong ol nau i ken rit. Ol i bin lainim gutpela pasin insait long kalsrum na disiplin na redi long luk fowat long lainim planti moa samting.

Ol i bin amamas wantaim BpP Numeracy na Early STEM program na save moa long besik tingting  bilong Maths na stretim hvei bilong Maths. Ol i bin kisim tu fainensal Literacy skul olsem na bikpela tenkyu long ogenaisesen patnasip wantaim BSP.

Dispela Disemba olgeta BbP Tisa-Laibri wok manmeri bai kamap long dispela ogenaisesen namba Digital Trening program long redim ol tisa long introdaksen bilong ol pikinini Digital Learning program, we bai go aut long olgeta Laibri Learning Senta long 2021.

Dispela BbP program kam aninit long Nesenel Dipatmen bilong Edukesen bilong early childhood straksa 3:6:6 Taim mipela i wetim dispela disisen, BbP i wokim wok bilong em olsem memba bilong ECD Alliance na i bin givim gutpela ECD program moa long 10 yia nau. BbP i bin divelopim strongpela karikulum long PNG pikinini na givim tisa trening long tupela BbP tisa na skul tisa wantaim na olgeta eduketa akros long kantri i laikim dispela program.

Long rurel komyuniti, BbP program em gutpela na bris bilong Tok Ples i go long Inglis we olgeta pikinini i laik lainim Inglis na save moa long rit.

BbP em redi long givim gutpela sevis long Early Childhood Divelopmen program, olsem na tenkyu long ol gutpela sapot bilong ol dona na patna insait long PNG Australia wantaim.

Ekseketiv Opisa bilong BbP Leanne Resson i bin tok: “Maski dispela yia ino gutpela tasol mi amamas long lukim moa long 1000 pikinini i bin greduet wantaim dispela program na pulap wantaim skil long go het long neks steg bilong edukesen.”

Faunda na Sia bilong BbP Anne-Sophie Hermann i bin tok: “I no gat taim long lusim, stat lainim ol pikinini long rit na rait long faundesen mak. Mipela i amamas long lukim ol gutpela sapot bilong ol sponsa na patna long PNG na Australia wantaim olsem na mipela i luk fowat long 2021 na long tokaut long digital learning long ol pikinini.”