IBS Kolis bilong TVET i bin holim namba 8 Greduesen celebresen long Fraide 11, Desemba 2020 long Saraga Kempus, 6-Mile long Pot Mosbi.

Dispela greduesen de bilong i bin bungim 252 sumatin olgeta  wantaim famili, pren, tisa na ol spesel ges husat ol i bin kamap long lukim dispela spesel de.

Ekting Prinsipal bilong IBS Kolis TVET, Donah Miskaram i bin amamas long lukim dispela ekademik yia i kamap gut maski skul i bin bungim planti salens bikos long COVID-19 we sampela studen i no pinisim skul fi bilong ol.

Mis Miskaram i tok tenkyu long Benk bilong Papua Niugini long sponsa  wantaim K500 prais mani na tu long Theodist kampani i bin sponsa long K100 voucher we ol i bin pasim wantaim ol prais na givim ol sumatin.

Em i tok spesel prais i kam long Benk bilong PNG wantaim SP presen na sumatin benk akaun wantaim K400 mani diposit insait long en.

Vais Sansela bilong IBS Kolis TIVET Dokta Ramachhandran Arunachalam i bin givim ripot olsem skul i bin yusim Moodle pletfom long kisim moa infomesen na stadi gut wantaim.

“Mipela ol intenesenel na PNG i wok bung wantaim na givim planti gutpela infomesen  long ol sumatin husat i bin kam stadi wantaim TIVET na kisim setifekets bilong ol,” Dokta Arunachalam i tok.

Em i tok dispela program i bin helpim na kamapimg planti gutpela sumatin long kantri wantaim bikpela sapot bilong ol sponsa husat i kam long taim bilong greduesen seremoni.

“ISB Kolis TIVET i save givim sans long ol sumatin long kisim diploma o digri setifiket long bihain taim na tu i ken helpim ol gret 10 sumatin husat i stap long haus i ken kam na skul 3-pela yia bihain long kisim setifiket,” Ekting Prinsipal Mis Miskaram i  tok.

Jacklyn Kimala i raitim