Pomio bai sanapim kopi faktori
- Details
Wanpela nupela faktori bilong mekim kopi bai sanap nau long Pomio distrik. Dispela bai lukim ol fama long hap i stretim na redim ol kopi prodak bilong ol bipo long ol i salim go aut long ol arapela senta na kantri tu.
MTDP4 bai stretim ol hevi bilong bipo
- Details
Gavman i bilip nupela MTDP4 bai lukluk long sampela ol hevi long bipo we ol arapela MTDP i no bin inap long daunim o stretim.
Media Council kirap gen
- Details
Media Council of PNG i holim AGM bilong en long Julai 10, 2023 we i lukim ol i makim ol ekseketiv husat bai go pas long wok na tu long lukluk long ol salens we media indastri long PNG i wok long bungim.
Opis bilong Madang Gavana helpim ol kalabus lain
- Details
Ol kalabus long Jomba polis stesin long Madang taun i no gat kaikai na Gavana bilong provins, Ramsey Pariwa i helpim wantaim ol kaikai na saplai.
Opis bilong ol lain i lus i op long Bogenvil
- Details
Ol famili bilong ol lain husat i bin lus long taim bilong bikpela pait long Bogenvil o ‘Bougainville Conflict’ bai stat long kisim infomesen na save long stori bilong ol famili memba bilong ol taim opis bilong ol lain i lus i op long Bogenvil.
Alexishafen Meri Seif Haus opim nupela klaien senta
- Details
Ol lain i bilas na danis fran long nupela klaien haus bilong Senta bilong Hop Meri Seif Haus. POTO: James G. Kila.
James G. Kila i raitim
ALEXISHAFEN Senta bilong Hop Meri Seif Haus long Madang provins i bin opim nupela klaien haus o fasiliti bilong en long las wik Tunde.
Dispela nupela haus em hap bilong Senta bilong Hop we ol Katolik Sister aninit long oda bilong St Therese i lukautim na menesim.
Em i ples we ol i save lukautim ol meri na pikinini husat ol lain i paitim o bagarapim ol.
Ol St Therese Sister i bin opim namba wan kain senta long Madang long naispela eria long Alexishafen Katolik misin stesin long Madang distrik.
Vika Jeneral bilong Madang Katolik Asdaiosis, Pater Ralp Lasawala, i mekim lotu na pre long blesim dispela nupela fasiliti.
Dairekta bilong Senta bilong Hop Meri Seif Haus, Sister Thecla Gamog i tok olsem dispela nupela klaien haus bai helpim senta long sait long spes na tu givim praivesi long ol meri husat i go long hap na i laik stap isi na kisim gutpela tingting.
Sister Thecla i tok tenkyu long ol ovasis lain long Germany na tu Caritas Australia long helpim long wokim dispela nupela klaien haus.
Em i tok dispela klaien haus bai givim spes long ol meri husat man bilong ol i paitim ol na ol i ranawe i go long seif haus.
Ol sosel sevis patna ogenaisesen olsem Madang Provinsal Sosel Sevis Dairekta, Jubilee Dulau, mausmeri bilong ol meri long Madang provinsal asembli, Margaret Anut, na tu nes long Alexishafen Helt Senta i bin go long lukim ol i opim dispela klaien haus.
Ol polis opisa husat i wok wantaim ‘Family and Sexual Violence Unit’ (FSVU) i bin kamap tu.
Olgeta dispela lain i givim bikpela tok amamas long ol Sister bilong St Therese long gutpela wok long kamapim kain meri seif haus long sevim ol meri na pikinini.
PINIS.
Graun karamapim 6-pela lain long Simbai
- Details
Gran i bruk na kilim 6-pela manmeri long Kumbruf long Madang provins taim ol i bin go kemp long painim gol.
Papagraun givim tok orait long rot projek
- Details
Wok bai stat nau long rot namel long Bokaidu na Tolukuma bihain long ol papagraun i wanbel na givim tok orait long wok i kirap long en.
Subcategories
Dispela Wik Piksa
Poto bilong dispela wik. Olgeta wik bai mipela i putim wanpela poto wantaim astingting na stori bilong en long hia - Kainkain samting i save kamap long wanpela de. Wanwan ples i gat ol kainkain samting long lukim. Sampela em gutpela na sampela i no gutpela tumas. Planti taim ol dispela gutpela taim na samting i save lus nating tasol sampela taim ol i stap insait long ol poto we yumi kisim. Dispela kain ol poto bai yu lukim ol hia long olgeta wik.
Page 3 of 115
- You are here:
-
Home
- Wantok Niuspepa
wantokniuspepa.com