Wanpela sevei bilong tuna long Papua Niugini bai kamap namel long NESENEL Fiseris Atoriti (NFA) na  University of Technology Sydney (UTS).

NESENEL Fiseris Atoriti (NFA) i wokbung wantaim ol risets bilong University of Technology Sydney (UTS) long mekim wanpela sevei bilong tuna long Papua Niugini.

Dispela sevei bai bungim infomesen long ol rot ol pipel long ples i yusim long painim tuna long solwara, i go inap mak bilong ol bikpela pis kampani na bisnis bilong ol long tuna.

Dispela sevei i wok long kamap nau long Wewak we ol i bungim data long ol lokal komyuniti.

As bilong dispela sevei em long painim aut olsem wanem ol pipel i painim tuna na envairomen we dispela pis i stap long en na olsem wanem ol pipel i save salim pis na lukautim sindaun bilong famili.

Risets tim i wok wantaim ol lokal pipel long ples Kreer na ol arapela ples long Wewak long kisim tingting bilong ol pipel.

Ol risets lain bilong NFA wantaim UTS i tok dispela data ol i bungim nau bai i helpim ol long save gut long na kamapim polisi bilong sastenabel rot bilong kisim tuna pis na prosesim long rijon.

PINIS.