Media Council of PNG i holim AGM bilong en long Julai 10, 2023 we i lukim ol i makim ol ekseketiv husat bai go pas long wok na tu long lukluk long ol salens we media indastri long PNG i wok long bungim.

WOK BILONG KAUNSIL: (L-R) Presiden bilong MCPNG, Neville Choi, Sekreteri Belinda Kora, Tresera Genesis Ketan na Vais Presiden Greg­ory Moses. POTO: MDI/ MCPNG.

Andrew Molen i raitim

Las taim Media Council bilong Pap­ua Niugini (MC PNG) i holim Annu­al General Assembly (AGM) bilong en em long 2017, tasol nau em i kirap gen.

Long Mande dispela wik, 10 Jun, 2023, ol i holim gen AGM bilong ol we ol i mekim ileksen bilong ol ekse­ketiv bilong ol.

Dispela i lukim Neville Choi, Gregory Moses na Belinda Kora i kisim bek ol posisen bilong ol long Council.

Mista Choi em Presiden, Mista Moses em Vais Presiden na Mis Kora em Sekreteri.

Wanpela nupela memba em Gene­sis Ketan husat i kamap Tresera.

Council i makim tu ‘Complaints Tribunal’ bilong ol we i lukim Mis­ta Choi wantaim Matthew Vari na Waliegai Olewale i sindaun long en.

Mista Choi tok amamas long ol memba na sapot bilong ol long Coun­cil na em i singaut long olgeta media ogenaisesen long wokbung wantaim.

MCPNG i bin bungim sampela hevi tasol em i kirap bek nau olsem na gutpela wokbung na sapot tasol bai lukim ol i sanap strong na lukim wok bilong media i kamap gut na i bihainim stretpela rot.

PINIS. //