Tim PNG i bin kisim K143,000.00 sek long SP Brewery (SPB) long Tunde 13 Julai, long Pot Mosbi.

Dispela sapot bilong SPB i kamap tai mol Tim PNG i redi long 2021 Tokyo Olimpik Gems long Japan.

Kopret Afeas Menesa bilong SP Brewery John Nilkare i tok SPB i gat strong pela na longpela taim rilesensip wantaim ol PNG Olimpik Komiti (PNGOC) stat long 1980 long de bilong Pepsi Fun Run taim ol bin meja sponsa.

Em i tok dispela Kampani i bin sapotim planti spot kod olsem SP Sports Awards, stat long 1992 patnasip wantaim ol PNGOC na PNG Sports Faundesen.

“Dispela Kampani em amamas long asosiet wantaim ol PNGOC taim em go het long straiv long givim sans long ol etlit na strongim ol gutpela wok piksa  bilong dispela kantri na ol arapela stekholda.

“Visen bilong PNGOVC‘Believe, Excel and Inspire’to unite Papua New Guineans through sporting excellence and success go wantaim SPB plen long strongim ki stekholda rilesensip.

Em i tok dispela sapot em testamen long komitmen bilong ol long sapotim ol etlit bilong PNG long eksel na kamap namba wan long intenesenel level.’

Presiden bilong PNGOC Sir John Dawanincura i tok tenkyu long Bod na Menesmen bilong SPB long sapotim ol.

Sir John i amamas tu long Kampani long go het na sapotim PNGOC na Tim PNG long ol las yia maski planti salens i bin daunim ol bisnis long PNG bikos long COVID-19 pandemik.

Chef de Mission bilong Tim PNG i go long Tokyo Gems Tamzin Wardley i amamas bikpela long sponsasip na i tok tenkyu long SP Brewery long komitmen na sapot bilong ol long lukim Tim PNG long bai makim kantri long Tokyo Olimpik Gems.

Nilkare tok gud lak long PNG etlit long Olimpik Gem. “Mi gat bilip olsem Tim PNG bai mekim mipela amamas na bringim hom planti medols.”