MORATA Off-Sisen Ragbi Lig Gren fainel i bin kamap long las wik Sarere long Kone Tigers pilaia graun.

Dispela Grasrut Off-sisen Gren Fainel i bin lukim tupela strongpela man tim resis em Gate Way Sharks wantaim Giburi Raiders bihain long tupela meri tim i bin salens.

Long wankain taim planti sapota bilong tupela tim bin kamap long sapot na taim trai i kamap long tupela sait ol sapota ran go insait long fil na apim ol pilaia taim referi i no winim wisel yet olsem trai.

Ol Giburi Raiders i bin strongim gren fainel difens bilong ol taim Sharks brukim na kalapim go insait long trai lain tupela taim wantaim wanpela gutpela kik na narapela i abrus.

Taim Giburi Raiders i bin kalapim banis wanpela taim wantaim gutpela kik na sindaun long 6 poin. Raiders go pas wantaim 6-4 tasol klostu long gem pinis na Sharks skorim namba tu trai we i apim ol go antap long banis 10-6.

Gud lak long ol Sharks bin winim Morata Off-sisen Kap taitel na luk fowat long neks yia bikpela salens long Raiders tu i mask am strong gen long neks yia na autim ol Sharks.

Jacklyn Kimala i raitim