OL manmeri long wol husat i go long PNG Pavilion (So Rum) long Dubai Ekspo long United Arab Emirates (UAE) i laikim tru kopi na soklet bilong em.

I gat luksave olsem planti ol yangpela manmeri long Midel Is (Arab rijon) i wok long laik long dring kopi. Dispela i mekim Joshua Kalinoe, PNG Embeseda long Brussels na Yuropien Yunion long Belgium i plen long kamap wantaim sampela wokabaut long promotim ol prodak bilong PNG taim Ekspo i pinis. Mis Daure Kiromat, Supavaisa bilong PNG Pavilion i tok PNG Pavilion tim i stat pinis long salim ol prodak bilong em bihain long ol i stretim ol wok o rot bilong baim ol samting. Dispela ol rot em long wok bilong benking. Dispela rot i helpim ol lain husat i laik long baim kopi na soklet i yusim ilektronik benking sapos ol i no yusim mani stret o kes long baim samting. Em i tok long dispela wik papa bilong wanpela Kopi Stua i bai planti ol kain kopi bilong PNG long traim na i tokim ol olsem em bai go bek na baim moa taim ol kopi na soklet em i baim i pinis.