Planti manmeri long Fiji wok long kisim sik pekpek wara na gavman bilong ol i kamapim bikpela wok painiimaut nau long save long wanem samting i kamapim dispela.

GAVMAN bilong Fiji i me­kim bikpela wok painim nau long lukim watpo na planti pipel i wok long kisim sik pekpek wara. Ol i ting wara saplai i no seif.

Olgeta de i gat ripot bi­long foapela o faivpela pipel i kisim sik pekpek wara long Balevuto, na 18 pipel i bin go slip long haus sik.

Ripot i tok 7-pela pipel long dispela eria i bin dai, tasol gavman i wok long me­kim wok painim yet na i no inap tokaut long as bilong dispela hevi.

Wanpela memba bilong palamen, Viam Pillay i tok ol pipel i wok long boilim wara nau bipo long ol i yu­sim na ol i wok long dring botol wara.

“Ministri bilong Helt i wok long dispela hevi nau bikos planti pipel i kisim bagarap,” em i tok.

PINIS. //