Ol pipel long Liibya i tok nogat toksave i bin kamap long givim tok lukaut long ol manmeri taim tupela dam i bruk we i lukim wara i kilim planti manmeri.

Sampela lain i tok gavman i no srteim ol bagarap long dam na em i no bin givim pablik toksave long ol pipel bilong Derna long taim bikpela ren i bin kamap.
Meya bilong Derna i tokim pan-Arab al-Hadath televisen nius olsem “foapela de bipo long bikpela ren i kamap, em i bin tokim ol pipel bilong Derna long lusim ples na muv i go long hap we i seif.”
Tasol ol pipel i harim tu o nogat, i luk oslem planti bilong ol i no bin lusim ples.
Sampela pipel i tok ol i harim ol polis i tokim ol long lusim ples, tasol i no planti i bin harim tok na muv i go long narapela hap.
Sampela gavman dipatmen i putim kefiu long Sande nait.
Na Water Resources Ministry i bin tokim ol pipel long Facebook pes bilong en long no ken wari.
“Kondisen bilong tupela dam i orait na olgeta samting i stap orait,” em i bin tok.

PINIS. //