STAT long mun Novemba i go inap long mun Epril long neks yia em i taim bilong saiklon o strongpela win na ren we i save brukim ol haus na diwai na kamapim bikpela tait wara long ol ailan kantri long Pasifik rijon.

Olsem na ol pipel i wok long redi nau long dispela taim nogut saiklon i save kamapim.  Long Vanuatu, ol wok redi namel long ol patna ogenaisesen i stat pinis wantaim ol awenes wok long ol komhuniti. Sinia rispons kodineta bilong Nesenel Disasta Menesmen Opis, Ken Mana i tok nau yet, ol i wok long lukluk long hevi bilong COVID-19 long kantri tu tasol wok redi bilong saiklon sisen i wok long gohet yet. Em i tok olgeta yia long dispela taim ol pipel bilong Vanuatu i save olsem em i taim nogut olsem na ol i wok long redi long bungim dispela taim nogut.