PRAIM MINSTA bilong Tonga i winim gen sia bilong em long nesenel ileksen tasol moa long hap namba bilong ol MP i bin lus long dispela ileksen.

Ilektoral Komisin bilong Tonga i tokaut olsem 62 pesen bilong ol vota i bin kamap na vot long nesenel ileksen bilong ol long las wik Fonde we ol pipel i bin vot long 17 long ol 26 sia bilong palamen bilong Tonga. Wanpela risetsa Ema Finau Ivarature it ok 9-pela sit e mol nupela memba i winim. Em i tok ol pipel i bin kirap nogut tru long taim pikinini bilong olpela praim minista Akalisi Pohiva i bin lus long sit bilong Tongatapu. Papa bilong em i bin holim dispela sit inap 30 yia olgeta.

“Dispela politikal grup Akalisi Pohiva i bin kirapim na go pas long en i bin strongpela grup bihain long 2010 ileksen, tasol las wik ol i lusim faivpela sit bilong ol....em i bikpela namba tru,” em i tok. Nainpela sit bilong palamen long Tonga em ol risev sit bilong ol bikman, na tripela nupela memba i kisim ples bilong ol lain husat i sik na i go ovasis long kisim tritmen. Ms Ivarature i tok i mas gat moa wok i kamap long ilektim ol meri long palamen. I no gat wanpela meri i win long dispela ileksen. Ilektoral Komisin bai tokaut long fainel risal bilong dispela ileksen long 2 Desemba  bipo long nominesen na ileksen bilong praim minista i kamap.