ASISTEN Polis Komisina bilong Solomon Ailan i singaut strong long ol pipel bilong boda eria na Bogenvil long luksave long ol COVID-19 lo na no ken brukim ol dispela lo.

Joseph Manelugu i mekim dispela askim bihain long Praim Minista bilong Solomon Ailan, Manasseh Sogavare i bin tokaut olsem sampela pipel bilong Bogenville i bin go insait long kantri long painim bislama. Praim Minista Sogavare i bin tok tu olsem em i wari tru long wanem ol dispela pipel bilong Bogenvil i bin bungim ol pipel bilong Shortlands, na dispela bai apim risk bilong ol pipel long kisim COVID-19 long kantri. Solomon Ailan i no gat sik COVID-19 yet, taim Bogenvil i bin gat planti keis bilong COVID-19 pinis.