PUKPUK i kilim tupela man long Solomon Ailan las wik long taim ol i bin painim bislama long solwara long nait.

Krismas bilong wanpela man em inap long 36 yia na narapela em krimas bilong em i 20 yia samting. Ripot i kam long Solomon Ailan i tok dispela birua i bin kamap wanpela mun tasol bihain long gavman i bin rausim tambu ol i bin putim long kisim Bislama. COVID-19 i bin bagarapim ikonomi bilong kantri olsem na gavman i bin givim tok orait long ol pipel i ken painim  na salim Bislama gen. Asisten Komisina bilong Royal Solomon Ailan Polis, Joseph Maneluga it ok e mi wari olsem dispela birua i bin kamap long tupela de. “Mi ting olsem ol pipel i amamas bikos gavamn i givim tok orait bilong painim Bislama gen,” em i tok. “Na populesen bilong ol pukpuk i wok long kamap bikpela olsem na mipela i mas was gut long dispela birua.” Ol polis i askim ol daiva bilong Explosive Ordnance Device Unit divers, husat i save mekim wok bilong rausim ol olpela Wol Wooa 2 bom, long painim bodi bilong dispela tupela man bikos i gat planti moa pukpuk long dispela hap. “Ol i mekim bikpela wok bikos i bin gat ol pukpuk i stap yet long dispela hap we ol daiva i bin go painim bodi bilong dispela tupela man,” Asisten Komisina Maneluga i tok. Marin baiolojis Stephen Attallifo Mosese i tok i gat planti pukpuk long solwara tasol ol pipel i no pret long go painim ol bislama.

“Mi bin kirap nogut bikos Suava Bay long Malaita em i wanpela ples bilong ol pukpuk tasol long taim gavman i givim tok orait bilong kisim bislama gen, ol pipel i no pret. Long nait bai yu lukim ol i daiv long ol mangro we long dispela kain taim tu, ol pukpuk i save raun long painim kaikai”, Mista Mosese i tok.

Tahlea Aualiitia  i raitim