GOROKA haus sik long Isten Hailans i tokaut olsem foapela helt woka bilong ol i bin dai pinis long COVID-19 na provins i stat long lukim moa manmeri na pikinini i kamap long haus sik bikos ol i gat COVID-19.

Dispela em i wanpela bikpela salens bilong provinsal helt atoriti bilong Isten Hailans. Ripot i tok moa long 200 pipel olgeta is tap long haus sik. Dispela namba i putim bikpela presa long ol risos bilong haus sik long dispela taim, na mak bilong ol pipel i dai long COVID-19 i go antap nau long 36. Dr Kapiro Kendaura, dairekta bilong ol sevis aninit long Isten Hailans Provinsal Helt Atoriti i toktok long dispela hevi ol i wok long bungim nau. Em i tok mog bilong haus sik tu i pulap. Em i tok ol famili i kam rausim faivpela bodi long wan wan de long karim i go planim bikos i no gat spes moa.