VANUATU i bin kisim independens bilong en long Inglan na Frans long 1980. Las wik i bin gat pablik holide na planti tausen pipel i bin kamap long seremoni bilong makim Independens Aniveseri bilong kantri long Pot Vila.

Het tok bilong dispela selebresen em, Vanuatu Yumi Sanap Na Apim Prodaktiv Sekta.

Vanuatu olsem ol arapela kantri long Pasifik na ol arapela hap long wol, i kisim bikpela hevi tru long COVID-19. I gat tu ol narapela kraisis i kamap long politiks bilong kantri. Praim Minista Loughman i tok gavman bilong em wantaim ol pipel na kantri i stap seif long dispela taim bilong COVID-19 pandemik.