OL wok i kamap nau long strongim wok bilong nesing sevis insait long Atonomus Rijon bilong Bogenvil.

Maski sapos i no gat bikpela spes na ol fesilit, Arawa Skul ov Nesing nau i save givim trening long 40 nes long diploma level jeneral nes long wan wan yia. Prinsipel bilong Arawa Skul ov Nesing, Celyn Tusala, i tok Nesenel Dipatmen bilong Haia Edukesen, Risets, Saiens na Teknoloji i givim K3.4 milien long sanapim wanpela bilding bilong nes trening na dispela bai strongim wok bilong givim trening long ol nes. Ms Tusala i tok wok bilong ol nes i bin bagarap long taim bilong Bogenvil kraisis olsem na ol i bin yusim ol non-setifait nes em ol yet i bin trenim. Long 2016 ol i bin stat mekim wok bilong kisim ol nes na givim nupela trening kos long ol. Coronavirus