OL lida meri long Niugini Ailan rijon i wanbel long toktok bilong nesenel gavman long makim faivpela risev sit bilong ol meri long palamen.

Ol dispela meri i mekim dispela i bin autim tingting bilong ol long wanpela tripela de woksop long Kimbe, Wes Nu Briten provins. Dispela UN Women Advocacy and Coalition Building Workshop i bin kamap long las wik. Ol lida meri i bin bung long toktok long mekim ol wok redi blong putim han long resis long 2022 nesenel jeneral ileksen. Roselyne Akua husat i bin stap insait long dispela bung i tok planti meri i sapotim dispela faivpela risev sit bilong ol meri long palamen.