OL skul long Vanuatu i strongim yet ol program bilong stap helti na gutpela kaikai we ol skul sumatin i lainim ol pasin bilong tumbuna long we bilong planim na kukim ol kaikai bilong ples.

Tai Alex em i wanpela tisa long Laindua Praimeri skul long Malekula Ailan long Malampa Provins.

Mista Alex i tok olgeta Trinde long wan wan wik, em de bilong ol sumatin long kaikai ol kaikai bilong ples long skul long belo na apinun.

Em i tok dispela skul bilong gutpela kaikai i stat long ol liklik long pri praimeri i go long yia seven long skul.

Mista Alex i tok laipstail sik na impot kaikai i save bagarapim planti pipel long Vanuatu na dispela em i bilong kamapim senis long ol yangpela pipel bilong bihain.

Hilda Wayne i raitim