FRANCE Hai Komisina long Noumea i singautim ol 11 minista bilong Nu Kaledonia long bung long Fonde long traim gen long namba 5 taim long makim wanpela presiden.

Stat long Februeri yet Nu Kaledonia i no bin gat wanpela gavman bihainim konstitusen. Ol i bin traim 4-pela taim pinis long makim wanpela presiden tasol long olgeta dispela taim olgeta kendidet bilong presiden i no bin inap kisim mak bilong sikispela vot long kamap presiden.

Tasol las wik ol pro-idendependens pati husat i kontrolim sikispela sia i bin wanbel long lusim Samuel Hnepeune olsem kendidet na ol i makim Louis Mapou.

Long las 4-pela resis bilong makim presiden Mista Hnepeune na Mista Mapou I winim 3-3 vot na anti-independens politisen husat i resis tu Thierry Santa i bin winim 4-pela vot.

SantaiI holim gavman long sotpela taim tasol na dispela gavman i pundaun long Februeri tai mol pro-independens pati i rausim sapot bilong ol long em bihain long ol i no wanbel long ol polisi bilong nikel maining.