MOA long 2,000 pipel long French Polynesia i joinim wanpela mas long Papeete long making 55 aniveseri bilong namba wan taim France i testim nuklia masin bilong pait long Pasifik.

Ol pro-independens oposisen lain, ol veteran grup na ol Maohi Protestan sios i bin kamap long dispela rali.

Dispela rali i kamap long wankain we ol France i sponsarim wanpela rauntebol miting bilong nuklia legesi long Paris. Long dispela miting Presiden Emmanuel Macron na French Polynesia presiden Edouard Fritch i bin stap long en.

France wanpela taim gen i tok sori long ol 193 nuklia tes em i bin mekim na ol i tok ol i no haitim tok olsem ol i bin mekim ol tes.

France i tok em bai i opim ol akaiv tasol ol i no inap larim olgeta lain i ken lukluk long ol stori i stap na kamapim moa nuklia masin.

Em i sakim bek ol diman bilong French Polynesia long France i mas givim mani long bungim ol kost bilong helt kea long sik kensa na tok olsem France bai i bekim mani bilong ol keis we ol i luksave olsem em i elijibel long kompensen.