Gender Based Violence or kain pasin blong ol man isave paitim ol meri em i bikpela problem long Papua New Guuinea na Manolos Aviation kampani inau help long sampela wok we igohet long stopim dispela heve long kantri.

Manolos Aviation em ikamapim wanpla aweanes long sait blong Gender Based Violence we ol iyusim ol helikopta blong ol long tokaut long displa issue.

Alexandria Ruh isave wok wantaim Manolos we papa blong em Jurgen Ruh iouna blong kampani, na em itok ol ilaik mekim wanpla samting long kamapim aweanes tu na yusim ol chopa blong ol.

Em itok bikpla astingting blong kampani em long soim olgeta hap long kantri olsem vailans imas stop long PNG.