Athletics Papua New Guinea bai salim wanpela athlete tasol long go makim kantri long Tokyo Olympic Games we bai start long namba 23 long July.

President blong Athletics PNG, Tony Green itok meri high jumper, Rellie Kaputin tasol em bai go long Tokyo Games long sait long athletics.

Ms Kaputin ibin winim gold long 2019 Oceania Championships na Mr Green itok em inau wok long trein long Ausatralia wantaim coach blongen, na em ibin jump Festival 6-point-4-2 metrers long wanpela Athletics festival long Townsville.

Long nau tu ol arapela elite or top athletes blong PNG inau wok long bung long Port Moresby long bai oli stap long dispela Grand Prix athletics competition we bai kamap long dispela wiken.

Mr Green itok igat sampela international kompetisan olsem Pacific Mini Games, Commonwealth Games na World Athletics Championship we oli laik makim sampela top athletes blong kantri iken go longen.