OL bisnis na komyuniti i stap arere long Porgera main long Enga Provins i bin kisim bikpela taim tru long taim dispela main i bin pas long moa long wanpela yia.

Porgera gol main bilong Barrick Niugini Ltd i bin pas long Epril 2020 bihain long Nesenel Gavman i no bin laik surukim maining lis bilong kampani long dispela main.

Tasol long Fraide 4 Jun long dispela yia, Praim Minista James Marape i bin go na givim dispela Porgera Framework Agreement long ol papagraun na Enga Provinsal Gavman bilong opim gen dispela main.

Elizabeth Iarume, Presiden bilong Porgera Wimen in Bisnis, i tok i no ol bisnis tasol, sindaun na laip bilong ol pipel tu i bin bungim hevi long taim Porgera main i bin pas.