I gat planti wei bilong katim kek – na Kwin Elizabeth II i yusim wanpela seremonial bainat long katim dispela kek.

KWIN Elizabet II i bin stap long wanpela spesel bung wantaim ol voluntia husat i wok long ogenaisim selebresen bilong makim 70 yia em i stap olsem Kwin bilong  Briten na Komonwelt. Dispela Platinum Jubilee selebresen bai kamap neks yia, 2022.

Bihain long Kwin Elizabeth i bungim ol wol lida long G7 Summit, e mi bin go bek long haus bilong em Windsor Castle long lukim wanpela militeri pered bilong makim betde bilong em. Kwin i gat 95 krismas nau na betde tru bilong em i kamap long mun Epril, tasol ol i save selebretim tu long Jun.

Ol lain i bin amamas na lap long taim Kwin Elizabeth i yusim dispela longpela seremonial bainat long katim kek. Poto i Camilla Duchess bilong Cornwall na kate Middleton, Duchess bilong Cambridge i sanap wantaim em.

Long taim bilong katim kek, sampela lain i givim dispela seremonial bainat ol i save yusim long givim namba long ol pipel. Tasol long taim ol i lukim olsem bainat i longpela tumas, ol i tokim Kwin olsem i gat naip i stap.

Em i no wari, bikos em i bekim na tok, “Mi save. Tasol dispela em i narakain.”