Praim Minista Frank Bainimarama i tokaut olsem bai em i kisim ol nupela imejensi lo bilong kontrolim COVID-19 i go long palamen.

"Dispela lo bai givim tokorait long –on-the-spot-fine sapos man i no werim mask na ol bisinis husat i no bihain ol sefti lo bilong COVID-19," Mista Bainimarama i tok.

Ram Raju, presiden bilong Nadi Chamber of Commerce, i tok planti ol bisnis i kisim taim stret long dispela taim bilong pandemik.

"Sampela klostu bai brukdaun nau, ol i no inap long bekim dinau, o baim rent," Dr Raju i tok.

"Na nau yumi lukim namba bilong ol COVID keis i wok long surik i go antap.

"Mipela i wok long painim taim long stretim dispela wari."

Tasol, Dr Raju i tok ol bisnis bai amamas tasol long ol strongpela lo bilong stopim dispela vairus i kalap i go nabaut long kantri.

"Planti ol memba bilong mi i laik gavman i mas putim lokdaun gen long kantri."