OL lain husat i go pas long  dispela bai-ileksen bilong Bogenvil Rijonal sit long nesenel palamen, i tok amamas long kisim ripot bilong Bogenvil Wimens Federesen long dispela bai-ileksen. Dispela ileksen i bin kamap long Janueri na Februeri long dispela yia.

Projek Kodineta wantaim BWF, Margarette Kiroha i tok ripot bilong ol long dispela ileksen i bin lukluk long eria bilong vailens egensim ol meri. Ol i bin givim dispela ripot long wanpela miting bilong ol stekholda long Pot Mosbi.

Ms Kiroha i tok ol stekholda i ken yusim sampela infomesen insait long insait long dispela ripot long mekim sampela senis long ol ileksen long bihain taim.

Bogenvil Wimens Federesen i wok aninit long wanpela lo bilong ABG palamen. Em i save kisim helpim long National Democratic Institute long Amerika, wanpela non-profit, non-patisen ogenaisesen husat i save sapotim na strongim ol demokretik institusen long wol.