I GAT presa long ol komyuniti long Vanuatu na ol narapela ples long Melanesia na Pasifik bilong yusim gut ol risos, tasol Santo Sunset Environment Network (SSEN) i wok long mekim ol wok bilong lukautim gut envairomen long eria bilong ol.

Santo Sunset Environment Network em i wanpela inisitiv bilong ol pipel bilong ples long Wes na Notwes eria kaunsil. Ol i bin statim dispela grup long 2017, bilong protektim baiodaivesiti na kirapim tingting bilong sastenabel divelopmen long Santo Mountain Chain Key Biodiversity Area, long Santo ailan.

Siaman bilong SSEN, Allan Taman i tok dispela grup bilong ol i gat ol renja husat i save go raun long bus na bungim infomesen bilong ol diwai, ol enimal na ol pisin. Na ol i save holim ol woksop tu long ol ples na skulim ol pipel long pasin bilong sastenabel wei bilong lukim olsem fud sekyuriti, o i gat inap kaikai bilong ol pipel.

Mista Taman it ok tu olsem ol i no larim ol bikpela timba operesen long eria bilong network – Ol i larim ol man bilong ples long go katim wan o tupela diwai tasol long sanapim haus bilong ol.