NARAPELA COVID-19 lokdaun i kamap gen long Melbourne, Victoria. Dispela em i namba foa taim we Stet bilong Victoria i bihanim lo bilong lokdaun long stopim sik COVID-19 insait long komyuniti. Namba wan lokdaun i bin kamap long 2020 bihain long bikpela hevi bilong COVID-19 pandemik.

Ol Papua Niugini komyuniti long Melbourne i no amamas long dispela tasol ol i mas bihainim olgeta askim bilong gavman long stopim dispela vairus.

Planti bilong ol i tok ol i bin bungim hevi long taim namba wan lokdaun ibin kamap las yia. Ol i wokbung nau long abrusim ol hevi long taim dispela lokdaun i bin kamap las wik.