Oleta kantri long wol i putim ai long Samoa bihain long wanpela konstitusinal kraisis i bin kamap. Nau yet i gat tupela lida husat i praim minister  bilong kantri, olpela PM Tuilaepa Malielegaoi na nupela PM, Fiame Naomi Mata’afa.

Fiame Naomi Mata'afa , em i namba wan meri praim minista long histori bilong kantri. Na Tuilaepa Sailele Malielegaoi i bin praim minista bilong Samoa long moa long 20 krismas olgeta.
Ol sapota bilong Fiame i tok dispela em wanpela bikpela win bilong ol meri insait long Samoa na tu long Pacific rijon.

Samoa i wanpela lida nau long region long ol meri na politiks. Kantri i bin kirapim wanpela kwota bilong ol meri long palamen we i soim olsem i mas gat ol meri long pulapim sampela sia insait long palamen.

Em i wanpela bikpela toktok long dispela wik tu long Papua Niugini las wik long wanpela Palamen Komiti husat i lukluk long Genda Beis Vailens (GBV) long kantri.