WANPELA Katolik pater long Westen provins, Fr Mateus Juang em i gat bikprla laik tru long soim Praim Minista, James Marape, long ol hatwok ol lain bilong em i save mekim.

Fr Mateus em i bilong Wes Timor na em i stap wok wantaim ol pipel long Westen provins inap 20 yia nau.

Ol pipel long komyuniti nau i helpim long sanapim wanpela nupela haus lotu, na tu ol i wokbung na lain long planim rais na wokim flawa long saksak.

Fr Mateus i tok bikpela tingting bilong em nau i bilong lainim ol pipol long wokbung wantaim na moa yet, em i laik ol man long hap bilong em i ken luksave na wokbung wantaim ol meri insait long komyuniti.