Dia edita,

Olgeta de mi save lukim ol dakglas teksi i save go kam long wanpela lodge long strit i stap klostu.

Dispela lodge i save bisi tru long ol dakglas teksi na ol dakglas kar. Insait long wanpela aua bai samting olsem 6 o 7 teksi i go kam na ol dakglas kar tu i no save westim taim.

Ol yangpela manki long strit i tok dispela lodge i wanpela ples we ol man i save rentim long K100 long wan aua na bungim ol meri.

Mi laik NCDC o ol polis i sekap long ol kain lodge olsem na lukim sapos ol i kisim ol trupela pasindia bilong balus o ol i mekim narapela kain wok.

Peter Henry

Erima

NCD