Dia edita,

Mi laik Metropoliten Suprintenden bilong NCD i mas putim wanpela hotline bilong ol pablik i ken putim komplen bilong ol long ol spakman.

Mi stap long Gordons na olgeta wiken i gat ol spakman na meri i save wokim nois, brukim botol na statim pait. Dispela hevi i no nupela. Mipela ol papamama na ol famili i no save slip gut bikos long dispela pasin bilong nois polusen, pablik niusens, na distebing the pis, i bagarapim laip bilong mipela.

Dispela hevi i save kamap tu long ol narapela sabeb insait long siti. Mi laik Metsup i mas putim wanpela hotline we mipela i ken ring na ol polis bai kam kisim ol dispela spaklain lain i go lokim ol.

Mark Tasi

Kennedy Rd

Gordons