Dia edita,

Mi harim olsem NCDC i kisim dinau long wokim wanpela foa lein haiwe ausait long siti.

Dispela tingting bilong ol i gutpela bikos Gavana Parkop na lain bilong em i lukluk long siti i gro na ol nid bilong en long bihain taim.

Mi sapotim dispela dispela tingting bilong NCDC, tasol mi tu i gat wanpela askim. Watpo na ol i no laik tingting tu long stretim ol liklik strit insait long siti long wankain taim?

Mi stap long Gordons na mi wari long ol liklik strit bilong mipela i no save gat luksave long taim bilong mentenens. Ol liklik pothole i kamap ol draipela baret nau. Ol plastik na graun i karamapim ol baret na tait wara i save bagarapim ol strit.

Mi laik NCDC i mas skelim liklik mani long baset bilong en long stretim ol liklik strit long siti.

Paula Abia

Gordons

NCD