Dia edita,

Mi no amamas long ol memba bilong yumi long nesenel palamen.

Hap namba bilong ol memba long Gavman i kalap i go joinim Oposisen na nau tupela grup i wok long pulim taitim long lukim husat bai winim moa memba na kamapim nupela gavman.

Ol i no wari long ol pipel bilong kantri. Ol i no tingting long baset bilong 2021. Ol i no wari long COVID-19 na helt bilong ol pipel. Wan wan memba i tingting tasol long bihain taim bilong em na i stap wantaim Gavman o wantaim Oposisen.

Watpo bai ol pipel i pasim maus na lukluk i stap? Planti rot i bagarap, ol skul i sot long klasrum, ol haus sik i bagarap, i no gat inap tisa. Mipela i laik lukim ol MP i toktok long ol dispela samting na i no wari long sensim gavman i go i kam. Taim bilong senisim gavman i kamap klostu nau long 2022. Olsem na mobeta yupela i stap isi na wetim sans bilong yupela long 2022.

Gerard Tura

Erima

NCD