Dia Edita,

Mi laik save sapos PNG i senisim lo bilong edvetaisim bia long meinstrim midia bilong kantri.

Mi lukim bia kampani bilong kantrik i wok long edvetaisim prodak bilong en long televisen na long dispela wik ol i putim stret long fran pes bilong wanpela niuspepa.

Mi ken tok stret olsem hia long PNG, “Bia i no save bungim yumi.” Bia i save bagarapim yumi.

Olsem wanem? Mi ting i tambu long edvetaisim bia na ol strongpela dring long niuspepa, televisen na redio?

Ating mi slip na i no save olsem kantri i senisim lo pinis na givim tok orait long ol kampani i putim edvetaismen bilong ol.

Na PNG Midia Kaunsil i tok wanem long dispela nupela lo?

Paul Bani

Morata, NCD