HET kosa bilong SP PNG Hunters Matt Church i bin tokaut long 32 pri-sisen trening skwat bilong SP Hunters long las wik Fraide.

Matt Church i bin tok tenkyu long Siaman bilong SP Hunters Stan Joyce wantaim PNGRF bod long riniu nupela kontrek bilong em gen long sisen 2022. Em i tok ol olpela ekspiriens pilaia bai stap gen long trening em 20 na ol 12-pela nupela Digicel Kap pilaia bai joinim ol long pri-sisen trening. Nem bilong ol 20 ekspiriens pilaia bai stap bek long trening; Terry Wapi, Solo Wane, Brendan Nima, Gillmo Paul, Judah Rimbu, Ila Alu,

Sampuel Yegip, Sylvester Namo, Dilbert Isaac, Jordan Pat, Kevin Apo, Emmanuel Waine, Wartovo Puara, Norman Brown, Brendon Gotuno, Junior Rau, Benji Kot, Epel Kapinias, Solomon Pokare na Edwin Ipape. Namel long dispela ol 20 ekspiriens pilaia i gat 12-pela nupela Digicel Kap pilaia em; Nathan Tente na Liam Joseph bilong Rabaul Gurias, Roderick Tai, Mark Tony, Jamie Mavoko, Casey Dickson, Kiltron Laka na Shervin Tanabi bilong Lae Snax Tigers, Valentine Culligan bilong Kroton Hela Wigmen, Tony Worrot bilong Kimbe Cutters na Francis Kembis na Jesse Mattew bilong JPG Waghi

Tumbe. Dispela olgeta i mekim kamap 32 pri-sisen trening skwat na bihain long dispela bai ol i makim fainel 26 skwat long trevol go beis gen long Kwinslan long sisen 2022. “Mi amamas long wok wantaim nupela asisten kosa Stanley Tepend na lukim wanem samting em bai bringim long tebol na tu wok bilong mi olsem het kosa,” Church i tok. “Mipela nau i redi long lukluk i go het long ol skwat bai kam bek long sisen 2022 na wok wantaim ol ekspiriens pilaia bilong dispela yia husat bai sapotim ol nupela Digicel Kap pilaia long painim ples insait long fainel 26 man skwat,” em i tok.

Jacklyn Kimala i raitim