“Mi amamas long nupela Digicel Kap pilaia long joinim pri-sisen trening long pusim ol fowat wankain olsem ol ekspiriens pilaia long fil na mekim fainel skwat.

“ Het kosa bilong SP Hunters Matt Church i tok. Church i tok Hunters i bin statim pri-sisen pinis wantaim ol ekspiriens pilaia kisim bagarap long sisen 2021 long las wik inap olgeta pilaia i bin kamap long trening bihain long trening ol bai go bek beis long Kwinslan. “Mi laik welkamim asisten kosa Stanley Tepend PNG Hunters bod long helpim long strongim komyunikesen level na tu putim sampela ekspiriens bilong em kam antap na putim long tebol,” em i tok. Em i tok Hunters em rot fowat long NRL olsem na olgeta ekspiriens o nupela

pilaia i mas pusim trening bilong ol wankain olsem NRL. Sif Ekseketiv Opisa bilong PNGRFL Stanley Hondina i tok tenkyu long Siaman bilong Hunters Bod Graham Osborn wantaim tim olsem independen bod long Kwinslan na long i gat on loiya na akaunten em bikpela histori bilong PNGFRL na kantri tu wantaim. Em i tok dispela em steping ston we i save kamapim planti gutpela samting na tu strongim rilesensip namel long tupela Gavman wantaim, em gavman bilong Australia na PNG. Em i tok bikpela tenkyu long lidasip bilong Siaman Graham Osborn wantaim grup bilong em na Stan Joyce long luksave na bringim Hunters go antap long neks level olsem bikpela nesenel tim. Em i tok gutlak long olgeta 32 trening skwat bilong  sisen 2022, tren seif wantaim Nupela Pasin na COVID-19 protokol.

Jacklyn Kimala i raitim