TUPELA PNG seiling brata na susa Teariki Numa na Rose-Lee Numa i bin hitim wara long las wik

Fraide long fainel de bilong prilimineri Laser resis bung. Tupela resis bung wantaim bilong ol Man Laser na Meri Laser Radial i bin stat gen planti taim bikos planti bot stap yet long stat lain taim ol statim resis. Jenerel Sekreteri bilong PNG Olimpik Komiti na Intenesenel Olimpik Komiti memba Auvita Rapilla i bin go lukim seiling ples wantaim Chef de Mission Tamzin Wardley long strongim ol seila pastaim long las tupela raun ausait long sol wara. Kosa Danny Fuller i bin pulap wantaim amamas long lukim Rose-Lee na Teariki pinisim las resis wantaim gutpela rekot. “Rose-Lee na Teariki i bin mekim bikpela impruvmen long planti samting. Long

statim gem em bikpela teknikol eria bilong dispela spot na dispela em eria we tupela i bin mekim bikpela senis. Maski COVID-19 i bin bagarapim plen bilong dispela ol gem tasol ol bin bungim planti nupela pren long olgeta hap bilong wol,” Fuller i tok. Chef de Mission, Tamzin Wardley i bin amamas long tupela seila husat i bin strong na pinis gut. “Rose-Lee i bin kisim taim long las tupela de bilong kompetisen wantaim bagarap bin kamap long taim bilong seiling. Ol top 10 seila bilong priliminari raun bai resis long fainel raun wantaim tripela reis.