DAI bilong Kosa Lloyd Way i bin mekim ol PNG Etletik famili kirap nogut long las wik.

Lloyd em wanpela ki man namel long divelopmen bilong ol etlit. Sampela bilong ol bin go long makim kantri ovasis na apim level bilong kompetisen.

Olgeta i amamas long Llody long gutpela  ol wok bilong em long bringim ol etlit go antap.

Em i bin olsem papa bilong ol yanpela etlit husat i lusim famili na joinim skwat.

Lloyd i bin kosa bilong Salome Dell go antap long level we no gat wanpela bilong mipela i ken kisim ples bilong em long 2 minit 2 seken long 800m ran long 2005 na long Commonwealth Games long Delhi 2010.

Lloyd i bin kamap kosa bilong sampela elit long PNG Nesenel Rekot olsem Mae Koime, Mowen Boino, Nelson Stone, Toea Wisil na Sapolai Yao.

Em i bin namba wan kosa bilong Toea Wisil long Australia na gutpela kosa bilong planti PNG elit olsem Ann Mooney, Wala Gime na Cecilla Kumalalamene.

Taim em bin wok long Fiji, Lloyd i bin kamap kosa bilong planti hai profail elit olsem Makeles Bulikiobo, Jone Delai, Niko Verekauta, na Isirel Naikelekevesi.

Olgeta elit na kosa bilong Etletik PNG i bin tok bikpela sori long Cherly na ol 4-pela pikinini bilong Lloyd long dispela taim bilong wari.