OLIMPIK pilaia Rellie Kaputin i kisim namba tut aim COVID-19 veksin long wik long Brisbane wantaim kosa bilong em Phillip Newton.

Em i tok tenkyu long Australia Olimpik Komiti long Brisbane na PNGOC long stretim rot bilong em long kisim dispela veksin bilong ol Olimpik Trening Skwat.

Rellie i gat neks kompetisen bilong em long Sarere long Gold Coast we em i gat bikpela bilip olsem em bai daunim dispela sisen long 6.25m longpela kalap.

Rellie bai resis wantaim Annie McGuire bilong Australia husat em i bin resis wantaim em long kompetisen long dispela sisen.

Toea Wisil i ran ran gut tru long 200m las wiken long Broward Elite Meet long Florida long 23.67 seken.

Toea i bin ran 55 seken long 400m resis insait long 75 minit tasol wantaim gutpela pefomens.

Toea bai ran 100m long dispela wiken long wankain taim.

Jacklyn Kimala i raitim